PGµç×Ó

Defnyddiwch y canllaw hwn os ydych yn defnyddio’r Offer TWE Sylfaenol i weithredu’r gyflogres. Mae’n esbonio’r camau y mae’n rhaid i chi eu dilyn pan fydd cyflogai’n gadael neu’n marw, a’r drefn y mae angen iddynt gael eu gwneud.

Nid yw’r canllaw hwn yn cynnwys yr hyn i’w wneud os yw’r canlynol yn berthnasol o ran y cyflogai:

• mae ei swydd yn cael ei dileu (yn agor tudalen Saesneg)
• mae’n ymddeol â phensiwn y gweithle

Ychwanegu taliad terfynol y cyflogai

Dilynwch y camau hyn i ychwanegu taliad terfynol y cyflogai cyn gwneud cyflwyniad terfynol ar gyfer y cyflogai sy’n gadael.

1. Bydd angen i chi lansio Offer TWE Sylfaenol a dewis Hafan. Bydd hyn yn mynd â chi i’r dudalen hafan.
2. Dewiswch y cyflogwr cywir o’r rhestr ‘Cyflogwyr’ ar yr ochr chwith.
3. Dewiswch y cysylltiad Rheoli cyflogeion o’r ddewislen ar ochr chwith y dudalen.
4. Dewiswch enw’r cyflogai sydd yng nghanol y dudalen ‘Rheoli cyflogeion’ er mwyn mynd at y dudalen ar gyfer ‘Manylion y cyflogai’.
5. Dewiswch Taliadau’r cyflogeion o’r ddewislen ar ochr chwith y dudalen.
6. Dewiswch Ychwanegu taliad cyflogai o’r ddewislen ar ochr chwith y dudalen.
7. Nodwch y dyddiad talu. Dyma’r dyddiad y bydd y taliad terfynol yn cael ei wneud i’r cyflogai.
8. Nodwch swm y cyflog at ddibenion Treth Incwm. Dyma faint o dâl ‘safonol’ — er enghraifft cyflog, tâl gwyliau a thaliadau bonws — sy’n ddyledus i’r cyflogai hwn hyd at ei ddyddiad gadael. Peidiwch â chynnwys taliadau untro megis taliadau diswyddo neu gyfandaliadau ymddeol.
9. Dewiswch Nesaf i fynd yn eich blaen drwy’r sgriniau hyd nes i chi ddychwelyd i’r sgrin ‘Manylion y cyflogai’. Mae hyn yn creu Datganiad Taliadau Llawn.

Ychwanegu dyddiad gadael y cyflogai

Dilynwch y camau canlynol i ychwanegu dyddiad gadael y cyflogai ar ôl creu’r Datganiad Taliadau Llawn terfynol.

1. O ganol y dudalen ‘Rheoli cyflogeion’, dewiswch y cyflogai perthnasol.
2. Dewiswch Crynodeb o’r cyflogai sy’n gadael sydd ar ochr chwith y dudalen ar gyfer ‘Manylion y cyflogai’.
3. Dewiswch Ychwanegu dyddiad gadael sydd ar ochr chwith y dudalen ‘Crynodeb o’r cyflogai sy’n gadael’.
4. Gwiriwch eich bod wedi cwblhau pob un o’r camau sydd wedi’u nodi yn yr arweiniad ac ar y dudalen ‘Ychwanegu dyddiad gadael’.
5. Nodwch ddyddiad gadael y cyflogai. Dyma ei ddyddiad olaf yn y gwaith. Os yw’r cyflogai wedi marw, dyma ddyddiad ei farwolaeth.
6. Dewiswch Nesaf i fynd i’r dudalen ‘Adolygu manylion cyflogai sy’n gadael’.

Anfon manylion y cyflogai sy’n gadael at CThEF

Anfonwch fanylion ynghylch y cyflogai sy’n gadael a’i dâl terfynol i CThEF ar neu cyn y diwrnod y byddwch yn talu’r cyflogai.

1. O’r ‘Hafan’, dewiswch y cyflogwr o’r rhestr ‘Cyflogwyr’.
2. Dewiswch Bwrw golwg ar gyflwyniadau sydd heb eu cyflwyno o’r ddewislen ar y chwith i fynd i’r dudalen ‘Cyflwyniad heb ei wneud’.
3. Dewiswch Anfon yr holl gyflwyniadau sydd heb eu cyflwyno o’r ddewislen ar y chwith.
4. Darllenwch yr wybodaeth ar y dudalen ‘Cyflwyno data i Gyllid a Thollau EF’.
5. Dewiswch Nesaf i fynd i’r dudalen, ‘Dilysu cyflwyniad’.
6. Nodwch eich Dynodydd Defnyddiwr (ID) a chyfrinair ar gyfer Porth y Llywodraeth.
7. Dewiswch Nesaf i fynd i’r dudalen, ‘Statws y cyflwyniad’, a bydd y dudalen, ‘Canlyniadau’r cyflwyniad’, yn dilyn honno. Bydd hyn yn rhoi cyfeirnod unigryw i chi ar gyfer eich cyflwyniad.

Argraffu P45 i’ch cyflogai

Ar ôl i chi anfon y manylion ynghylch y cyflogai at CThEF, gallwch fwrw golwg dros y P45 a’i hargraffu. Mae’r P45 yn dangos faint o dreth mae’r cyflogai wedi’i thalu ar ei gyflog yn ystod y flwyddyn dreth bresennol. Mae’n rhaid i chi roi’r P45 i’ch cyflogai pan fydd yn gadael. Bydd angen i’r cyflogai roi’r P45 i’w cyflogwr nesaf.

1. O’r ‘Hafan’, dewiswch y cyflogwr o’r rhestr ‘Cyflogwyr’.
2. Dewiswch y cysylltiad Rheoli cyflogeion o’r ddewislen ar ochr chwith y dudalen.
3. Dewiswch enw’r cyflogai sydd yng nghanol y dudalen ‘Rheoli cyflogeion’ er mwyn mynd at y dudalen ar gyfer ‘Manylion y cyflogai’.
4. Dewiswch Crynodeb o’r cyflogai sy’n gadael o’r ddewislen ar ochr chwith y dudalen.
5. Dewiswch y cysylltiad yn y golofn ‘Camau’ sydd yng nghanol y dudalen ar gyfer bwrw golwg dros y P45.
6. Cadwch y P45 fel PDF ar eich cyfrifiadur.
7. Argraffwch y PDF o’r man y mae wedi’i gadw ar eich cyfrifiadur.

Bwrw golwg dros fanylion cyflogai sydd wedi gadael

1. O’r ‘Hafan’, dewiswch y cyflogwr o’r rhestr ‘Cyflogwyr’.
2. Dewiswch y cysylltiad Rheoli cyflogeion o’r ddewislen ar ochr chwith y dudalen.
3. Dewiswch enw’r cyflogai sydd yng nghanol y dudalen ‘Rheoli cyflogeion’ er mwyn mynd i’r dudalen ‘Manylion y cyflogai’.
4. Dewiswch Taliadau’r cyflogeion o’r ddewislen ar ochr chwith y dudalen.
5. Dewiswch Crynodeb o’r flwyddyn hyd yn hyn ar gyfer y cyflogai i fwrw golwg dros fanylion terfynol y cyflogai.