PGµç×Ó

Gall Mynediad at Waith eich helpu chi i gael neu aros mewn gwaith os oes gennych gyflwr iechyd neu anabledd corfforol neu feddyliol.

Bydd y gefnogaeth a gewch yn dibynnu ar eich anghenion. Drwy Mynediad at Waith, fe allwch wneud cais am:

• grant i’ch helpu dalu am gymorth ymarferol gyda’ch gwaith
• cefnogaeth gyda rheoli eich iechyd meddwl yn y gwaith
• arian i dalu ar gyfer cefnogaeth cyfathrebu mewn cyfweliadau gwaith

Cymorth ymarferol gyda’ch gwaith

Gallai Mynediad at Waith roi grant i’ch helpu dalu am bethau fel:

• offer arbenigol a meddalwedd cynorthwyol
• gweithwyr cefnogi, fel cyfieithwyr BSL, anogwr gwaith neu ffrind i deithio â nhw
• costau teithio i’r gwaith, os na allwch ddefnyddio trafnidiaeth gyhoeddus
• addasiadau i’ch cerbyd fel eich bod yn gallu cyrraedd eich gwaith
• newidiadau corfforol i’ch gweithle

Gall eich gweithle gynnwys eich cartref os ydych yn gweithio o adref rywfaint neu’r cyfan o’r amser.

Nid yw o bwys faint ydych yn ennill. Os ydych yn cael grant Mynediad at Waith, ni fydd yn effeithio ar unrhyw fudd-daliadau eraill rydych yn ei gael a ni fydd rhaid i chi ei dalu nôl.

Efallai bydd rhaid i chi neu’ch cyflogwr dalu rhai costau o flaen llaw a’u hawlio nôl nes ymlaen.

Sut i wneud cais

Gwiriwch eich bod yn gymwys ac yna gwnewch gais am grant Mynediad at Waith.

Cefnogaeth iechyd meddwl

Gallwch gael cymorth i reoli eich iechyd meddwl yn y gwaith, a allai gynnwys:

• cynllun wedi’i deilwra i’ch helpu cael neu aros mewn gwaith
• sesiynau un i un gyda gweithiwr iechyd meddwl proffesiynol

Sut i wneud cais

Gwiriwch os ydych yn gymwys ac yna gallwch gwneud cais yn uniongyrchol i un ai neu .

Cefnogaeth cyfathrebu ar gyfer cyfweliadau swydd

Gall Mynediad at Waith helpu i dalu am gefnogaeth cyfathrebu mewn cyfweliad swydd os:

• ydych yn fyddar dreu drwm eich clyw ac angen cyfieithydd Iaith Arwyddion Prydain (BSL) neu siaradwr gwefus
• os oes gennych gyflwr iechyd neu anhawster dysgu corfforol neu feddyliol ac angen cefnogaeth cyfathrebu

Darganfyddwch fwy a gwneud cais am gefnogaeth cyfathrebu mewn cyfweliad swydd.

Yr hyn ni all Mynediad at Waith dalu amdano

Ni all Mynediad at Waith dalu am addasiadau rhesymol. Mae rhain yn newidiadau mae’n rhaid i’ch cyflogwr wneud i’ch cefnogi chi i wneud eich swydd.

Bydd Mynediad at Waith yn cynghori eich cyflogwr os ddylai newidiadau gael eu gwneud fel addasiadau rhesymol.

Fel rhan o Mynediad at Waith, fe allwch fod yn gymwys ar gyfer:

• grant i helpu dalu am gefnogaeth ymarferol â’ch gwaith
• cefnogaeth gyda rheoli eich iechyd meddwl yn y gwaith

Ar gyfer y mathau hyn o gefnogaeth, rhaid i chi:

• fod â chyflwr iechyd neu anabledd corfforol neu iechyd meddwl sy’n golygu eich bod angen cefnogaeth i wneud eich swydd neu gael i ac o’r gwaith
• fod yn 16 oed neu drosodd
• fod mewn gwaith cyflogedig (neu fod ar fin cychwyn neu ddychwelyd i waith cyflogedig yn y 12 wythnos nesaf)
• byw a gweithio (neu ar fin cychwyn neu ddychwelyd i waith) yng Nghymru, Lloegr neu’r Alban – mae

Ni allwch gael Mynediad at Waith os ydych yn byw yn Ynysoedd y Sianel neu Ynys Manaw.

Eich anabledd, salwch neu gyflwr iechyd

Mae’n rhaid i chi fod ag anabledd, salwch neu gyflwr iechyd sy’n golygu eich bod angen cefnogaeth i wneud eich swydd.

Gall hyn gynnwys, er enghraifft:

• anabledd corfforol, er enghraifft os ydych yn drwm eich clyw neu’n defnyddio cadair olwyn
• anhawster dysgu neu gyflwr cysylltiedig, er enghraifft os oes gennych Syndrom Down’s
• cyflwr datblygiadol, fel anhwylder sbectrwm awtistiaeth
• cael ADHD neu dyslecsia
• cyflwr megis diabetes neu epilepsy
• cyflwr dros dro, fel coes wedi torri
• cyflwr iechyd meddwl, er enghraifft pryder neu iselder

Nid oes rhaid eich bod wedi cael diagnosis i wneud cais.

Eich gwaith

Mae angen i chi gael swydd â thâl (neu fod ar fin dechrau neu ddychwelyd i un).

Gallai swydd â thâl fod yn llawn amser neu’n rhan amser a chynnwys:

• cyflogaeth
• hunangyflogaeth
• prentisiaeth
• treial gwaith neu brofiad gwaith
• interniaeth
• swydd breswyl

Ni allwch gael cefnogaeth Mynediad at Waith ar gyfer gwaith gwirfoddol.

Eich incwm a budd-daliadau

Gallwch gael cefnogaeth gan Mynediad at Waith:

• beth bynnyg rydych yn ennill neu gyda mewn cynilion
• yr un amser â’r rhan fwyaf o fudd-daliadau, cyn belled eich bod yn gweithio mwy nag 1 awr yr wythnos

Os ydych yn cael Lwfans Cyflogaeth a Chymorth (ESA)

Fe allwch gael Mynediad at Waith a Lwfans Cyflogaeth a Chymorth (ESA) yr un pryd os ydych yn gweithio llai nag 16 awr yr wythnos. Mae yna reolau am weithia tra’n hawlio Lwfans Cyflogaeth a Chymorth (ESA). Gallwch ofyn i’ch anogwr gwaith am gyngor a chefnogaeth.

Os ydych yn was sifil

Bydd eich cyflogwr yn darparu cymorth yn lle Mynediad at Waith. Cysylltwch â’ch cyflogwr er mwyn iddynt allu asesu a threfnu’r cymorth sydd ei angen arnoch.

Cymorth iechyd meddwl

Gallwch gael Mynediad at Waith ar gyfer gwasanaethau iechyd meddwl o hyd drwy wneud cais am gymorth gan neu . Byddant yn cysylltu â Mynediad at Waith ar eich rhan. Ni fydd angen i chi ddweud wrth eich cyflogwr.

Cael cyngor ar eich cymhwysedd

Os ydych yn ansicr os ydych yn gymwys, ffoniwch linell gymorth Mynediad at Waith.

Llinell gymorth Mynediad at Waith

Gwiriwch a ydych yn gymwys cyn i chi wneud cais.

Gallwch wneud cais am Fynediad at Waith ar-lein neu dros y ffôn.

Bydd angen i chi ddarparu:

• eich manylion cyswllt
• cyfeiriad a chod post eich gweithle
• gwybodaeth am sut mae eich cyflwr yn effeithio eich gwaith a pha gefnogaeth rydych yn credu sydd ei hangen arnoch
• manylion cyswllt yn y gweithle a all gadarnhau eich bod yn gweithio yna, os ydych wedi’ch cyflogi (ni fyddant yn cysylltu â nhw heb eich caniatâd)
• eich rhif Cyfeirnod Treth Unigryw (UTR) (os ydych yn hunangyflogedig)

Gwnewch gais ar-lein

Gwneud cais dros y ffôn

Gallwch wneud cais trwy ffonio llinell gymorth Mynediad at Waith. Sicrhewch fod gennych yr holl fanylion angenrheidiol gyda chi pan fyddwch yn ffonio.

Llinell gymorth Mynediad at Waith

Bydd rhywun o Mynediad at Waith yn cysylltu â chi i siarad am eich cais.

Efallai y bydd ymgynghorydd yn cysylltu â chi yn gofyn:

• am fwy o wybodaeth am eich gwaith a’ch anabledd neu gyflwr iechyd
• am ganiatâd i siarad a’ch cyflogwr
• i drefnu asesydd i’ch ffonio neu alw yn eich gweithle drwy alwad fideo neu wyneb yn wyneb – i ddarganfod pa newidiadau all helpu

Byddwch yn derbyn llythyr â phenderfyniad ac eglurhad. Bydd y llythyr yn dweud wrthych faint fydd eich grant a be ddylai dalu amdano.

Os yw eich amgylchiadau yn newid

Mae’n rhaid i chi roi gwybod i Mynediad at Waith drwy ffonio’r linell gymorth os yw’ch amgylchiadau yn newid.

Gallai hyn fod, er enghraifft:

• eich enw, cyfeiriad, manylion cyswllt neu gyfeiriad gweithle yn newid
• eich bod yn newid swydd
• eich anabledd, salwch neu gyflwr iechyd yn newid

Llinell gymorth Mynediad at Waith

Os ydych yn anghytuno â phenderfyniad neu eisiau cwyno

Os ydych yn anghytuno â phenderfyniad, ffoniwch linell gymorth Mynediad at Waith i ofyn rhywun i ailystyried eich cais.

Gallwch hefyd ffonio’r linell gymorth os ydych yn anhapus â sut cafodd eich cais ei drin neu y gwasanaeth rydych wedi’i gael.

Gallwch hawlio arian o’ch grant ar-lein neu drwy’r post.

I hawlio arian o’ch grant ar-lein, bydd angen i chi greu cyfrif.

Beth sydd angen arnoch i hawlio

I greu cyfrif byddwch angen:

• cyfeiriad e-bost
• mynediad at ffôn symudol
• eich rhif Yswiriant Gwladol

Bydd angen i chi brofi eich hunaniaeth gan ddefnyddio manylion o 2 ffynhonnell, er enghraifft:

• pasbort y DU dilys
• slip cyflog o fewn y 3 mis diwethaf neu P60 cyfredol
• eich cyfrifon banc, benthyciadau, morgeisi neu gytundebau credyd
• eich ffurflen dreth Hunanasesu mwyaf diweddar
• eich taliad credyd treth fwyaf diweddar, os ydych yn eu hawlio

Os na allwch brofi eich hunaniaeth gyda manylion o 2 o’r ffynonellau hyn, bydd angen i chi wneud cais trwy’r post.

I hawlio arian o’ch grant bydd angen i chi ddarparu:

• y dyddiadau wnaethoch gael cymorth
• anfonebau neu dderbynebau’n dangos cost eich cymorth
• manylion banc y person neu gwmni a fydd yn derbyn yr arian o’r grant

Efallai byddwch hefyd angen manylion cyswllt o’r gweithle a all gadarnhau’r cymorth rydych yn gwneud cais amdano.

Hawlio arian o’ch grant

Hawlio trwy’r post

Cwblhewch y ffurflen gais papur a anfonwyd gyda’ch Llythyr Penderfyniad Mynediad at Waith i hawlio arian o’ch grant trwy’r post.

Mae angen i chi gynnwys unrhyw anfonebau neu dderbynebau y gofynnir amdanynt yn y ffurflen gais. Gallwch anfon copïau os nad oes gennych y rhai gwreiddiol.

Gallwch ffonio’r llinell gymorth Mynediad at Waith i gael ffurflen gais papur os oes angen un arnoch.

Os ydych angen help gyda’ch cais

Ffoniwch linell gymorth Mynediad at Waith os:

• ydych angen help gyda’ch cais
• nad oes gennych y wybodaeth sydd ei angen i wneud cais
• ydych angen help i sefydlu eich cyfrif ar-lein
• yw eich grant yn rhedeg allan ac rydych angen mwy o arian i dalu am rywbeth mae eich llythyr penderfyniad yn nodi sydd ei angen arnoch.

Llinell gymorth Mynediad at Waith

Bydd angen i chi adnewyddu eich grant Mynediad at Waith cyn iddo ddod i ben os ydych chi’n ei ddefnyddio i dalu am gymorth parhaus (er enghraifft, gweithiwr cymorth).

Bydd eich llythyr penderfyniad yn dweud pan ddaw eich grant i ben. Gallwch wneud cais i’w adnewyddu 12 wythnos cyn hyn.

Gallwch wneud cais i adnewyddu ar-lein neu dros y ffôn.

Gwiriwch a ydych chi’n dal yn gymwys cyn i chi wneud cais.

Bydd angen i chi roi eich cyfeirnod unigryw (os ydych chi’n ei wybod).

Adnewyddu dros y ffôn

Gallwch wneud cais trwy ffonio’r llinell gymorth Mynediad at Waith.

Llinell gymorth Mynediad at Waith

Ar ôl i chi wneud cais

Gall ymgynghorydd Mynediad at Waith gysylltu â chi.

Os oes unrhyw beth wedi newid ers i chi wneud cais ddiwethaf, gallant ofyn am ragor o wybodaeth. Er enghraifft, am eich cyflwr, sut mae’n effeithio ar eich gwaith a pha gefnogaeth rydych chi’n meddwl sydd ei angen arnoch chi.

Efallai y bydd angen asesiad gweithle pellach. Os felly, bydd y cynghorydd yn gofyn am ganiatâd cyn cysylltu â’ch cyflogwr.

Os bydd grant newydd yn cael ei gynnig i chi, dywedir wrthych faint y byddwch yn ei gael ac am ba hyd.