PGµç×Ó

²Ñ²¹±ð’r Gwasanaeth Cynhaliaeth Plant fel arfer yn dilyn 6 cham i gyfrifo’r swm wythnosol o gynhaliaeth plant.

²Ñ²¹±ð’r cyfrifydd cynhaliaeth plant yn dangos i chi beth mae’r Llywodraeth yn debygol o’i gyfrifo i chi.

Cam 1 - cyfrifo incwm

Bydd y Gwasanaeth Cynhaliaeth Plant yn darganfod incwm blynyddol gros y rhiant sy’n talu cynhaliaeth o’r wybodaeth a ddarparwyd gan Gyllid a Thollau EM (HMRC).

Byddant hefyd yn gwirio os yw’r rhiant sy’n talu cynhaliaeth yn cael budd-daliadau (nid yw credydau treth, grantiau myfyrwyr a benthyciadau yn cyfrif fel incwm).

Cam 2 - edrych ar bethau sy’n effeithio ar incwm

Bydd y Gwasanaeth Cynhaliaeth Plant yn gwirio am bethau a allai newid swm yr incwm gros (er enghraifft, taliadau pensiwn neu blant eraill y maent yn eu cefnogi).

Gallwch hefyd ofyn bod incwm, asedau neu dreuliau ychwanegol yn cael eu hystyried.

Yna byddant yn trosi’r incwm blynyddol gros i ffigwr wythnosol.

Cam 3 - cyfraddau cynhaliaeth plant

Bydd un o 5 cyfradd yn cael ei chymhwyso, yn seiliedig ar incwm wythnosol gros y rhiant sy’n talu cynhaliaeth:

Incwm wythnosol gros	Cyfradd	Swm wythnosol
Anhysbys neu heb ei ddarparu	Diffyg	£38 ar gyfer 1 plentyn, £51 ar gyfer 2 blentyn, £64 ar gyfer 3 neu fwy o blant
O dan £7	Sero	£0
£7 i £100, neu os yw’r rhiant sy’n talu cynhaliaeth yn cael budd-daliadau	Unffurf	£7
£100.01 i £199.99	Is	Cyfrifwyd gan ddefnyddio fformiwla
£200 i £3,000	Sylfaenol	Cyfrifwyd gan ddefnyddio fformiwla

Os yw incwm wythnosol gros y rhiant sy’n talu cynhaliaeth yn fwy na £3,000, gall y rhiant sy’n cael cynhaliaeth wneud cais i’r llys am gynhaliaeth plant ychwanegol.

Cam 4 - plant eraill

Bydd y Gwasanaeth Cynhaliaeth Plant yn ystyried y nifer o blant y mae’r rhiant sy’n talu cynhaliaeth yn gorfod talu cynhaliaeth plant ar eu cyfer. Mae hyn yn cynnwys unrhyw blant eraill sy’n byw gyda nhw ac unrhyw drefniadau sydd wedi’u gwneud yn uniongyrchol ar gyfer plant eraill.

Cam 5 - swm wythnosol o gynhaliaeth plant

Gan ddefnyddio gwybodaeth o’r 4 cam cyntaf, mae’r Gwasanaeth Cynhaliaeth Plant yn penderfynu’r swm cynhaliaeth plant wythnosol

Cam 6 - rhannu gofal

Gofal a rennir yw pan fydd plentyn rhiant sy’n talu cynhaliaeth yn aros dros nos gyda nhw.

Mae nifer y nosweithiau gofal a rennir yn seiliedig ar orchymyn llys neu unrhyw gytundeb rhwng y rhieni.

Gallai’r Gwasanaeth Cynhaliaeth Plant ostwng y swm wythnosol o gynhaliaeth plant os:

• mae’r rhiant sy’n talu cynhaliaeth yn talu’r gyfradd unffurf, is neu sylfaenol o gynhaliaeth plant

• mae’r rhieni’n cytuno y bydd y plentyn yn aros dros nos am 52 noson y flwyddyn neu fwy

Ar gyfer cyfraddau sefydlog o gynhaliaeth plant

Os yw’r rhiant sy’n talu cynhaliaeth yn cael budd-daliadau a chytunir bod y plentyn yn aros dros nos am 52 noson neu fwy y flwyddyn, nid yw’n talu cynhaliaeth plant am:

• y plentyn sy’n aros dros nos
• unrhyw blant eraill sy’n byw yn yr un cartref â’r plentyn hwnnw

Os nad yw’r rhiant sy’n talu cynhaliaeth yn cael budd-daliadau, ni fydd aros dros nos yn effeithio ar faint o gynhaliaeth plant a delir.

Am gyfraddau is a sylfaenol o gynhaliaeth plant

Mae nifer yr arosiadau dros nos y cytunwyd arnynt yn effeithio ar faint y bydd taliadau cynhaliaeth plant yn cael eu gostwng.

Os yw’r rhieni’n cytuno i o leiaf 52 noson y flwyddyn ond yn methu cytuno ar union nifer y nosweithiau uwchben hyn, bydd y Gwasanaeth Cynhaliaeth Plant yn cymryd mai am 52 noson y flwyddyn yn unig y mae gofal a rennir yn digwydd.

Ni all y taliadau cynhaliaeth plant fynd o dan £7 yr wythnos.

Nifer yr arosiadau dros nos y cytunwyd arnynt bob blwyddyn

Gostyngiad i gynhaliaeth plant ar gyfer pob plentyn

52 i 103 noson	14.29%
104 i 155 noson	28.57%
156 i 174 nos	42.86%
175 noson neu fwy	50%, ynghyd â gostyngiad ychwanegol o £7 yr wythnos

Gallwch ofyn i’r Gwasanaeth Cynhaliaeth Plant ystyried incwm arall a threuliau wrth gyfrifo taliadau cynhaliaeth plant. Gelwir hyn yn ‘gwneud cais am amrywiad’.

Gallwch wneud cais am amrywiad pan yn gwneud cais am Gynhaliaeth Plant neu ar ôl i’ch cyfrifiad Cynhaliaeth Plant gael ei wneud.

Ar ôl i chi wneud cais am amrywiad, gall gymryd hyd at 3 mis i’ch swm taliad Cynhaliaeth Plant newid.

Incwm ac asedau

Gall y rhiant sy’n talu cynhaliaeth ac sy’n cael cynhaliaeth ofyn am y mathau canlynol o incwm ac asedau cael eu hystyried:

• incwm rhent dros £2,500 y flwyddyn
• llog a difidendau o gynilion a buddsoddiadau dros £2,500 y flwyddyn
• enillion gros neu bensiwn o leiaf £100 yr wythnos - os yw’r rhiant sy’n talu cynhaliaeth yn cael budd-daliadau ac yn gymwys i dalu’r ‘gyfradd unffurf’ o gynhaliaeth plant
• unrhyw incwm y gall y rhiant sy’n talu cynhaliaeth fod yn ei ddargyfeirio fel na chaiff ei gynnwys yn y cyfrifiad (er enghraifft, ei roi i rywun arall neu ddewis cael car cwmni yn lle cyflog uwch)
• asedau fel cyfrannau, stociau, aur neu arian sy’n werth mwy na £31,250

Treuliau

Os mai chi yw’r rhiant sy’n talu cynhaliaeth, gallwch ofyn i’r mathau canlynol o dreuliau gael eu hystyried:

• costau cadw mewn cysylltiad rheolaidd gyda phlentyn rydych yn talu cynhaliaeth am (er enghraifft, tanwydd i deithio rhwng eich cartref a chartref y plentyn)
• costau cefnogi plentyn sydd gydag anabledd neu salwch tymor hir sy’n byw gyda chi
• ad-dalu dyledion o berthynas flaenorol
• rhan breswyl o ffioedd ysgol breswyl ar gyfer plentyn rydych yn talu cynhaliaeth am
• taliadau morgais, benthyciad neu yswiriant ar gyfer y cartref yr oeddech yn arfer ei rannu gyda’r rhiant sy’n cael cynhaliaeth - os yw’r rhiant sy’n cael cynhaliaeth a’ch plentyn yn dal i fyw yno

Rhaid i bob math o draul fod yn fwy na £10 yr wythnos. Gall treuliau cefnogi plentyn sydd gydag anabledd neu salwch tymor hir fod yn llai.

Ni allwch ofyn i dreuliau gael eu hystyried os yw eich incwm gros yn llai na £7 yr wythnos.

Cysylltwch gyda’r Gwasanaeth Cynhaliaeth Plant i wneud cais am amrywiad.

Gall y swm rydych chi’n ei dalu neu’n ei dderbyn mewn cynhaliaeth plant newid pan:

• adolygir eich achos bob blwyddyn
• rydych chi neu’r rhiant arall yn gwneud cais am amrywiad
• mae gan y rhiant sy’n talu cynhaliaeth newid mewn amgylchiadau sy’n effeithio ar ei incwm neu ei dreuliau
• mae’r rhiant sy’n talu cynhaliaeth yn talu’r gyfradd unffurf, is neu sylfaenol ac mae newid i’r cytundeb ar ba mor aml y mae’r plentyn yn aros dros nos gyda nhw neu yng ngofal yr awdurdod lleol

Ar gyfer y ddau bwynt olaf, efallai y bydd angen i chi roi gwybod am newid cyn gynted ag y byddant yn digwydd.